उर्लाबारी । नेकपा (माओवादी केन्द्र) उर्लाबारी नगर कमिटी उर्लाबारीले पदाधिकारी तथा सचिवालय सदस्यहरुको जिम्मेवारी तोकेको छ ।
नगर पदाधिकारी बैठकले जिम्मेवारी तोकेको हो । ७ सदस्यीय पदाधिकारीमा अध्यक्ष गजेन्द्र दंगाल, उपाध्यक्षहरु खगेन्द्र पराजुली, निर्मला रसाईली र राजिव लिम्बू, सचिब पवन चौधरी, सह–सचिब कविराज धिमाल र कोषाध्यक्ष इश्वरीप्रसाद पौडेल रहनुभएको छ । त्यस्तै, १९ सदस्यीय सचिवालय समिति गठन भएको छ । सचिवालय सदस्यहरुमा लोकनाथ पौडेल, राजेन्द्र बास्तोला, इन्दिरा बराल, सूर्यविक्रम याख्या, भीमबहादुर तामाङ (विशाल), सरोज बस्नेत, इन्द्र लामा, विनिता राई, बुलन पासवान, बेदनारायण बड्तौला, सविन घिमिरे र रुक्मणी खनाल रहनुभएको छ ।
त्यस्तै, वडा नं. १ मा विनिता राई, वडा नं. २ मा भीमबहादुर तामाङ (विशाल), वडा नं. ३ इन्दिरा बराल, वडा नं. ४ मा राजेन्द्र बास्तोला, वडा नं. ५ मा लोकनाथ पौडेल, वडा नं. ६ मा सूर्यविक्रम याख्या, वडा नं. ७ मा सरोज बस्नेत, वडा नं. ८ मा सविन घिमिरे र वडा नं. ९ मा इन्द्र लामालाई इन्चार्जको जिम्मेवारी दिएको छ । त्यस्तै, अध्यक्ष गजेन्द्र दंगाललाई स्कुल विभाग, उपाध्यक्षहरु खगेन्द्र पराजुलीलाई संगठन विभाग, निर्मला रसाईलीलाई महिला तथा बालबालिका विभाग र राजिव लिम्बू छायाँ सरकार, सचिब पवन चौधरीलाई सुरक्षा निकाय समन्वय विभाग, सह–सचिब कविराज धिमाललाई स्वास्थ्य तथा प्रशासन विभाग र कोषाध्यक्ष इश्वरीप्रसाद पौडेललाई वित्तिय तथा सहकारी विभाग प्रमुखको जिम्मेवारी तोकिएको छ । त्यस्तै, सचिवालय सदस्यहरु लोकनाथ पौडेललाई संघसंस्था विभाग, राजेन्द्र बास्तोलालाई कृषि विभाग, इन्दिरा बराललाई खुद्रा व्यवसायी विभाग, सूर्यविक्रम याख्यालाई उद्योग तथा सफारी विभाग, भीमबहादुर तामाङ (विशाल) लाई वन, वातावरण तथा पर्यटन विभाग, सरोज बस्नेत सूचना तथा सञ्चार विभाग, इन्द्र लामालाई युवा तथा खेलकुद विभाग, विनिता राईलाई महिला उद्यम तथा सिप विकास विभाग, बुलन पासवानलाई निर्माण मजदुर विभाग, बेदनारायण बड्तौलालाई भूमी व्यवस्थापन विभाग, सविन घिमिरेलाई उद्योग निर्माण विभाग र रुक्मणी खनाललाई खानेपानी, सरसफाई तथा विद्युत विभाग प्रमुख जिम्मेवारी दिएको छ ।
त्यस्तै, उर्लाबारी माओवादीले छायाँ सरकार गठन गरेर स्थानीय सरकारले गरेका गतिबिधिहरुका बारेमा तथ्यगत संकलन गर्ने सशक्त खबरदारी गर्ने तयारी गरेको छ । जनताका समस्यामा सारथी बन्दै जनहितका पक्षमा अभियान चलाउने निर्णय गरिएको छ ।